Bruno Fernandes ċaħad suġġerimenti li qed jitħabat biex jilgħab l-aqwa football tiegħu mal-kompatrijott Portugiż, Cristiano Ronaldo, ma’ Manchester United.
Il-player ta’ 27 sena kellu staġun ieħor produttiv għar-Red Devils fl-istaġun 2021-22, fejn skorja 10 goals u rreġistra 14-il assist f’46 dehra fil-kompetizzjonijiet kollha.
Madankollu, Fernandes sabha diffiċli biex juri l-aħjar forma tiegħu għal perjodi tal-istaġun, u kien hemm pretensjonijiet li l-wasla ta’ Ronaldo fis-sajf li għadda ħarbtet il-bilanċ tat-team, fejn iżda Fernandes ċaħad dan.