Bayern Munich irritornaw fl-ewwel post tal-Bundesliga meta f’darhom għelbu lil Union Berlin bl-iskor ta’ 3-0, li sa qabel din il-logħba, iż-żewġ timijiet kienu b’punti ndaqs.
Prattikament, il-Bavarjani jinsabu b’punti ndaqs Borussia Dortmund iżda għandhom differenza ta’ goals aħjar.
Huma ddominaw dan il-konfront fejn ir-rebħa setgħet kienet ferm akbar.
It-tliet goals waslu kollha fl-ewwel taqsima minn Eric Choupo-Moting (31), Kingsley Coman (40) u Jamal Musiala (45).
Għal din il-partita rritorna Sadio Mane wara injury fit-tul.