Il-coach Taljan ta’ Real Madrid, Carlo Ancelotti, ħabbar li wara tmiem din l-avventura huwa se jirtira kompletament mill-football.
F’kummenti li ta lill-media Taljana, huwa qal:
”Dan il-perjodu ma’ Real Madrid se jtemm il-karriera tiegħi. Wara Madrid, se nirtira. Real Madrid huma l-aqwa club fid-dinja. Jagħmel sens li ntemm il-karriera tiegħi wara din l-esperjenza.”
“Jekk qed nitkellmu dwar trofej, ‘Los Blancos’ u AC Milan huma t-timijiet li għandi l-akbar konnessjoni magħhom. Real Madrid bħalissa jinsabu f’livell għoli ħafna u mhux biss teknikament. Huma club serju … bi players umlin: Modric, Casemiro u Benzema, huma l-akbar esperti jmexxu l-grupp. Il-kwalità hija indiskutibbli iżda waħedha mhijiex biżżejjed. L-element uman huwa fundamentali u dan f’Real Madrid huwa uniku.”
Ancelotti tkellem ukoll dwar l-24 trofew li rebaħ matul il-karriera tiegħu: “Il-verità hi li bħalissa dawn il-kalkoli mhumiex importanti. Iżda nagħmilhom fl-aħħar … għax it-total finali huwa l-aktar li jagħme sens. Bħalissa ninsab iffukat fuq xogħli, fuq il-coaching u fuq il-players.
Sa ftit snin ilu, il-prijorità tiegħi kienet it-tattiċi … peró issa se niffoka aktar fuq ir-relazzjonijiet umani, biex insir naf lin-nies u l-ġenerazzjonijiet ġodda.”
