Celtic akkwistaw il-firma permanenti tad-difensur ta’ Tottenham Hotspur, Cameron Carter-Vickers.
Iż-żagħżugħ ta’ 24 sena ingħaqad mal-Hoops b’self għall-istaġun 2021-22 u sar membru integrali tat-team immexxi minn Ange Postecoglou li rebaħ it-titlu tal-Premiership Skoċċiż u l-League Cup.
Carter-Vickers issa ffirma kuntratt ta’ erba’ snin biex jibqa’ Glasgow, u b’hekk temm l-assoċjazzjoni ta’ sitt snin tiegħu ma’ Spurs fejn għamel biss ħames dehriet mat-team tal-kbar.
