Il-kowċ ta’ Como Cesc Fabregas faħħar l-attitudni tal-attakkant Taljan Patrick Cutrone li kien protagonista fid-draw spettakolari ta’ 2-2 kontra Bologna.
Fabregas qal li l-plejer tiegħu daħal fl-istorja ta’ dan it-tim mil-Lombardia meta sar l-ewwel wieħed li skorja żewġ gowls f’erba’ logħbiet u b’hekk qabeż ir-rekord ta’ Giuliano Giovetti li kien skorja żewġ gowls iżda f’ħames logħbiet.
Como kisbu t-tieni punt minn erba’ logħbiet b’Fabregas li bla dubju jrid aktar mill-plejers tiegħu sabiex sa fl-aħħar jiksbu wkoll l-ewwel rebħa tagħhom fl-ogħla diviżjoni Taljana.
