Chelsea qed jippjanaw li jidħlu f’taħditiet ma’ Thiago Silva biex jestendu l-esperjenza tad-difensur fi Stamford Bridge għal sena oħra.
Il-player ta’ 37 sena qatta’ dawn l-aħħar 15-il xahar mal-Blues u jinsab taħt kuntratt sa tmiem l-istaġun attwali.
Silva kien marbut ma’ ċaqliq lura lejn il-Brażil ma’ Fluminense biex itemm il-karriera tiegħu hemmhekk, iżda Chelsea m’għandhomx il-ħsieb li jħallu lid-difensur ċentrali jitlaq.
Chelsea jingħad li qed ifittxu li jestendu aktar it-termini eżistenti ta’ Silva sal-aħħar tal-2022-23, u l-ex player ta’ Paris Saint-Germain jinsab kuntent li jibqa’.
L-internazzjonali Brażiljan Silva deher 12-il darba għall-Blues fil-kompetizzjonijiet kollha dan l-istaġun.
