Chris Attard inħatar bħala l-kowċ tat-tim nazzjonali Malti tal-hockey. Dan tħabbar mill-Assoċjazzjoni Maltija tal-Hockey hekk kif bħalissa Attard għażel grupp ta’ plejers sabiex jippreparaw bis-sħiħ għat-turnament mit-tielet diviżjoni tal-Euro Hockey Championship li se jsir fil-belt Pollakka ta’ Skierniewice bejn l-24 u d-29 ta’ Lulju li ġej.
Malta telgħet biex tilgħab f’Pool A flimkien ma’ Ġibilta’, il-Kroazja, il-Litwanja, is-Serbja u l-Polonja.
It-tim Malti għaddej b’diversi sessjonijiet ta’ taħriġ intensivi taħt il-kowċ Attard bl-għan ewlieni hu li jagħtu wirja tajba kontra avversarji ferm aktar ikkwotati minnhom.
