Il-midfielder ta’ Brentford, Christian Eriksen, iddeċieda li jħalli lill-club meta jiskadi l-kuntratt tiegħu dan is-sajf.
Wara li sofra attack tal-qalb fil-Kampjonati Ewropej tas-sajf li għadda mad-Danimarka, il-player ta’ 30 sena kien sfurzat iħalli lill-Inter minħabba prokols tas-saħħa Taljani madwar id-defibrillator li ġie mpoġġi f’ġismu.
It-team tal-Premier League Brentford għamel talba għall-akkwist tal-midfielder f’Jannar, u wara li aċċetta ftehim għal żmien qasir sa tmiem l-istaġun 2021-22, Eriksen kellu sensiela ta’ wirjiet impressjonanti biex għen lit-team immexxi minn Thomas Frank jevita b’mod komdu r-relegazzjoni għaċ-Championship.
