Christian Eriksen qed ‘jersaq eqreb’ biex jieħu deċiżjoni finali dwar il-futur tiegħu, b’Manchester United wieħed mill-kontendenti ewlenin għall-firma tiegħu dan is-sajf.
Il-player ta’ 30 sena ingħaqad ma’ Brentford f’Jannar wara li ħalla lil Inter u mpressjona għall-Bees fit-tieni nofs tal-istaġun 2021-22, fejn skorja goal u pprovda erba’ assists fi 11-il dehra tal-Premier League.
Madankollu, il-kuntratt ta’ Eriksen mat-team immexxi minn Thomas Frank għandu jiskadi fl-aħħar tax-xahar, u jidher li ħa d-deċiżjoni li jfittex club ġdid fis-suq attwali.
