Il-kowċ veteran ta’ Cagliari Claudio Ranieri kkonferma li dan se jkun l-aħħar tim li se jikkowċja u kif jispiċċa minn din il-kariga, jieqaf darba għal dejjem mill-futbol.
Ranieri, li għandu 71 sena, ingħaqad ma’ Cagliari fl-istaġun li għadda u rnexxielu jtellagħhom għall-ogħla diviżjoni Taljana.
L-eks kowċ ta’ Juventus, Leicester, Inter, Roma u oħrajn qal li kien irċieva telefonata mingħand Gigi Riva fejn talbu jgħin lit-tim li kien għaddej minn mument xejn sabiħ. Ranieri qal li ma riedx ikun egoista u ma ħasibhiex darbtejn sabiex reġa’ daħal fil-kariga.
Hu qal li se jagħmel minn kollox sabiex iżomm lit-tim fis-serie A Taljana.
