Il-club tas-Saudi Pro League Al-Taawoun ġie ordnat jilgħab żewġ logħbiet f’daru bil-bibien magħluqa, wara li xi partitarji kantaw b’mod offensiv lejn Ruben Neves dwar il-ħabib tiegħu, Diogo Jota, li miet f’inċident tat-traffiku.
Il-klabb ġie mmultat ukoll 100,000 riyal Sawdi, madwar €20,000, wara t-telfa ta’ 6-0 kontra Al-Hilal.
Fil-filmat li xxerred fuq il-midja soċjali, jidher li partitarji ta’ Al-Taawoun kantaw isem Jota ripetutament lejn Neves.
Neves wieġeb billi pponta lejn is-sema u lejn għajnejh, f’ġest li deher iwissi li Alla qed jara.
Cristiano Ronaldo talab li l-persuni responsabbli jiġu sospiżi għal għomorhom milli jidħlu fi grounds.
Neves u Jota kienu ħbieb qrib, u Neves kompla jonora l-memorja tiegħu wara mewtu.
Jota u ħuh Andre Silva mietu f’inċident bil-karozza fit-Tramuntana ta’ Spanja f’Lulju 2025.
Il-player Saleh Abu Al-Shamat ukoll ikkundanna din l-imġieba, u qal li r-rivalità sportiva qatt ma għandha tiġġustifika t-tgħajjir fuq persuna mejta.
