Il-Maxi Comanche (CAY) ta’ 30.48m/100pied ġie kkonfermat bħala r-rebbieħ tat-42 Rolex Middle Sea Race. Misjuq minn Mitch Booth, l-ekwipaġġ eċċezzjonali ta’ 23 persuna inkluda lil Will Oxley, bħala navigatur, Tom Slingsby, Kyle Langford, Shannon Falcone, Hugo Rocha, Justin Slattery, Willy Altadill u Luke Molloy. Ir-rebħa taħt il-korrezzjoni tal-ħin tal-IRC hija miżjuda mal-Line Honours tal-Monohull u r-rekord tat-tellieqa Monohull. Riżultat miġjub f’konkors iddominat minn dik li ħafna ddeskrivew bħala sistema tat-temp ta’ darba.
Comanche spiċċa t-tellieqa nhar it-Tnejn 25 ta’ Ottubru filgħodu u kien fil-pole position sal-wasla tal-JPK 1180 Sunrise wara nofsinhar tat-Tlieta 26 ta’ Ottubru. Ir-rakkont tat-tiġrija mbagħad inbidel fis-siegħat bikrin tal-Erbgħa 27 ta’ Ottubru, b’madwar 23 dgħajsa li kienu għadhom jtellqu. Bidla serja fit-tbassir tat-temp wasslet lil-Kumitat tat-Tellieqa tar-Royal Malta Yacht Club biex jinvoka l-linja tal-finitura alternattiva, skont l-istruzzjonijiet tat-tbaħħir.
“Id-deċiżjoni li tinvoka Sailing Instruction (SI) 11.3, ittieħdet wara konsiderazzjoni bir-reqqa tal-mudell tat-temp li kien qed jinbidel u li kient ta’ periklu potenzjali għal dawk il-jottijiet li kienu għadhom qed jtellqu u meta kienu ser joqorbu lejn it-tmiem,” spjega Peter Dimech, Uffiċjal Prinċipali tat-Tlielaq tar-Royal Malta Yacht Club (RMYC) għal dawn l-aħħar 12-il sena. “L-ewwel u qabel kollox, l-RMYC trid tikkunsidra s-sigurtà ta’ dawk il-parteċipanti li għadhom fuq il-baħar. Is-Sailing Instruction 11.3 tippermetti lill-Kumitat tat-Tlielaq juża linja ta’ tmiem alternattiva fin-Nofsinhar ta’ Kemmuna jekk il-kundizzjonijiet tat-temp ħorox jagħmluha mhux sikura li tidħol fil-Port ta’ Marsamxett. Ir-regola nkitbet speċifikament b’antiċipazzjoni tat-tbassir sever lejn il-Grigal, li kien jagħmel il-Port ta’ Marsamxett estremament perikoluż biex wieħed jidħol. Għal dik ir-raġuni, għamilna s-sejħa, li tħabbret lill-kompetituri kollha kemm jekk lesti jew tlielaq, skont ir-regoli.”
Skont ir-rekords disponibbli, din hija l-ewwel darba fl-istorja ta’ 53 sena tar-Rolex Middle Sea Race li kellha tintuża l-linja tal-finitura alternattiva. 19-il jott setgħu jtemmu t-tellieqa permezz ta’ din il-linja.
Bħala konsegwenza tad-deċiżjoni, il-jottijiet kollha li qed jieħdu sehem ġew skurjati għall-finijiet ta’ korrezzjoni tal-ħin bl-użu tal-linja tal-finitura alternattiva.
Il-ħin ikkoreġut ta’ Comanche, li kien qed jikkompeti fl-IRC Klassi Wieħed, sal-linja alternattiva tat-tmiem kien ta’ tlett ijiem sitt sigħat 30 minuta u 20 sekonda. Dan il-ħin kien ftit aktar minn siegħa vantaġġ fuq il-jott fit-tieni post Sunrise (IRC Klassi Ħamsa) u kważi erba’ sigħat qabel Daguet 3 – Corum (IRC Klassi Tnejn). Ħadd, li kien għadu qed itellaq ma seta jilħaq il-ħin meħtieġ biex jinbidel dan ir-riżultat.
Comanche kiseb it-trifecta ta’ rebbieħ ġenerali, Monohull Line Honours u rekord tat-tellieqa Monohulls. Ir-rekord tat-tellieqa ta’ Comanche ta’ 40 siegħa, 17-il minuta u 50 sekonda huwa bbażat fuq id-distanza sħiħa tal-korsa ta’ 606nm.
Preċedentement żewġ dgħajjes kisbu din il-kuruna tripla: Robert McNeil (22.86m/75 pied) Zephyrus IV fl-2000 u George David’s (27.5m/90pied) Rambler fl-2007.
It-trimaran MOD 70 Argo (USA) ta’ Jason Carroll temm ukoll triple crown li rebaħ il-Klassi Multihull taħt il-korrezzjoni tal-ħin MOCRA, ħa unuri tal-linja multihull u stabbilixxa rekord ġdid ta’ tiġrija diretta ta’ 33 siegħa, 29 minuta u 28 sekonda.
Madwar 89 jott mill-114 li ħadu sehem fit-tellieqa s’issa spiċċaw b’25 jirtiraw uffiċjalment.
L-għoti tal-premjijiet Rolex Middle Sea Race 2021 isir is-Sibt 30 ta’ Ottubru fid-Dar il-Mediterran Għall-Konferenzi, l-eks Sacra Infermeria mibnija fis-seklu 16 mill-Ordni ta’ San Ġwann.