Conor Gallagher se jkun wieħed mill-plejers li huma mixtieqa minn diversi klabbs matul dan is-sajf hekk kif barra Tottenham Hotspurs, fl-aħħar sigħat daħlu wkoll għalih Aston Villa. Hu kellu staġun pożittiv ħafna ma’ Chelsea meta skorja ħames gowls u wettaq seba’ assists. Hu kellu wkoll sejħa mat-tim nazzjonali Ingliż mill-kowċ Gareth Southgate u għalhekk dan kollu jfisser li għaddej minn forma tajba.
Gallagher qed jistenna aktar informazzjoni mingħand l-aġent tiegħu sabiex ikun jista’ jara x’se jkun il-futur tiegħu.
