L-awtoritajiet tas-saħħa ħabbru li fl-aħħar 24 siegħa feġġew 17-il każ ġdid tal-Covid-19 filwaqt li kien hemm 14-il każ oħra li ġew dikjarati bħala li fiequ mill-virus. Dan ifisser li t-total ta’ każi attivi issa huwa ta’ 265.
L-ammont ta’ mwiet baqa’ dak ta’ 459 wara li fl-aħħar 24 siegħa ma ġiet irreġistrata l-ebda mewt kawża tal-Covid-19.
Bħalissa f’Mater Dei hemm 17-il pazjent li qed jingħataw il-kura minħabba l-Covid-19, b’erbgħa minnhom jinsabu fit-Taqsima tal-Kura Intensiva.
Sal-bieraħ filgħaxija kienu ngħataw 860,910 doża tal-vaċċin li minnhom 39,756 kienu l-ewwel doża.
