Id-direttur sportiv il-ġdid ta’ Juventus, Cristiano Giuntoli, kellu l-ewwel togħma tal-ambjent f’Turin meta ddawwar mal-faċilitajiet u ltaqa’ ma’ bosta diriġenti Bianconeri. Għalkemm għad jonqos li tkun uffiċjali, Giuntoli se jkun qed jiffirma kuntratt ta’ ħames snin bl-għan li jerġa’ jpoġġi lil Juventus fost it-timijiet rebbieħa mhux biss fl-Italja iżda wkoll fl-Ewropa.
Il-kap eżekuttiv Francesco Calvo sostna li xtaq ħafna lil Giuntoli li għandu tattika tajba ħafna ta’ kif jakkwista plejers ta’ kwalita’ u jinsab ċert li se jkun parti minn dan il-klabb b’viżjoni ġdida.