Cristiano Ronaldo qed ikompli l-battalja legali tiegħu mal-eks club, Juventus, dwar €19.5 miljuni f’pagi pendenti u deċiżjoni mistennija tittieħed fl-aħħar ta’ April.
It-tilwima ilha għaddejja minn meta ħalla lill-Bianconeri għal ritorn ma’ Manchester United f’Awwissu 2021, fejn qed jinsisti li kien għadu dovut €19.5 miljuni f’pagi.
Ronaldo talab arbitraġġ f’Ġunju 2023 u ġew spezzjonati d-dokumentazzjoni li kkonfermaw li kien hemm seduta oħra fil-5 ta’ Frar.
Il-qorti mistennija tagħti l-verdett tagħha sat-22 ta’ April.
