Wara li beda katina ta’ lukandi u anke oħra tal-gymnasiums, Cristiano Ronaldo iddeċieda li jinvesti fil-qasam tal-Padel fil-Portugall. Ronaldo se jkun qed jinvesti f’madwar 17-il court tal-Padel u se jsir l-iktar kumpless sportiv tal-Portugall fejn għandu x’jaqsam dan l-isport. Hu se jkun qed jinvesti madwar €5 miljun sabiex ilesti dan il-proġett li se jkun miftuħ fl-2024.
Il-president tal-Federazzjoni Portugiża tal-Padel Ricardo Oliveira qal li jinsab kuntent li qed jaħdem ma’ bniedem li ra s-suċċess f’kull qasam u issa se jkun qed jgħinu sabiex jinvestu f’dan l-isport li aktar ma jgħaddi ż-żmien se jsir dejjem iktar popolari.
