L-attakkant internazzjonali Portugiż, Cristiano Ronaldo, jista’ jiġi sospiż minħabba l-iskandlu tas-salarju tiegħu ma’ Juventus li kien jammonta għal €80 miljun.
Dan fost allegazzjonijiet oħra li kien fost 22 player li “tħallsu barra mill-kotba” tal-Bianconeri.
Ftit tal-ġranet ilu, il-Bianconeri ġew dixxiplinati bi 15-il punti wara li nstabu ħatja ta’ ksur tal-kontijiet.
Dak li llum huwa d-direttur ta’ Tottenham, Fabio Paratici, ġie sospiż mill-football għal sentejn u nofs.
Rapporti qed isostnu li players bħal Ronaldo, Giorgio Chiellini u Paulo Dybala tħallsu pagi “barra mill-kotba” wara li qablu għal differimenti matul il-pandemija tal-Covid-19.
Ronaldo qed jingħad li tħallas €80 miljun minkejja li aċċetta biss għal differiment ta’ €18-il miljun.
U jekk jiġi ppruvat li kienu konxjament kompliċi, jistgħu jirċievu sospensjonijiet ta’ 30 jum fil-football Taljan.
Il-ġimgħa l-oħra, Spurs ġew ixxokkjati meta d-direttur sportiv tagħhom, Paratici, li ħadem ma’ Juventus, ma jistax jibqa’ jaħdem magħhom hekk kif ingħata sospensjoni ta’ sentejn u nofs. Huwa nstab ħati li orkestra rregolaritatjiet ta’ trasferimentt fuq tliet staġuni ma’ Juventus.
L-istess Paratici mistenni li jappella minn din id-deċiżjoni iżda jidher ċar li l-futur tiegħu fit-Tottenham Stadium huwa wieħed inċert għall-aħħar.
Juventus ġew akkużati li għollew is-somom tat-trasferimenti fi trattamenti ma’ clubs Taljani oħra fuq tliet staġuni biex joħolqu miljuni ta’ liri fi “qligħ kapitali” għal skopijiet ta’ taxxa.
Intqal li l-Juventini kienu mmanipulaw is-sistema biex jilliberaw is-setgħat tal-infiq tagħhom fis-suq.
Juventus u tmien clubs oħra, fosthom Sampdoria, Genoa u Parma, inizjalment ġew liberati f’Mejju li għadda.
Iżda dak il-verdett ġie appellat fil-Qorti tal-Appell Federali u l-prosekuturi Taljani tal-Assoċjazzjoni talbu biex il-każ jerġa’ jinstema’ għal sanzjonijiet serji fis-seduta tal-ġimgħa li għaddiet.
L-avukat tal-prosekuzzjoni Giuseppe Chine kien talab biss penali immedjata ta’ disa’ punti. Iżda minflok, Juventus ingħataw penalitá ta’ 15-il punt.
