Barcelona qed jippreparaw biex jerġgħu jibdew l-insegwiment tagħhom tal-attakkant ta’ RB Leipzig, Dani Olmo, f’Jannar.
Iż-żagħżugħ ta’ 23 sena wasal fil-Bundesliga mingħand Dinamo Zagreb f’Jannar 2020 u ħalla impressjoni immedjata fil-Ġermanja, billi rreġistra ħames goals u 10 assists minn 32 ħarġa tal-kampjonat fl-istaġun li għadda.
Olmo slagħab ukoll għal Spanja fl-Euro 2020 u l-Olimpjadi ta’ Tokjo 2020, li wasslu biex Barcelona jressqu offerta ta’ £50 miljun fl-aħħar ġurnata tat-trasferimenti.
L-offerta tal-Blaugrana ġiet miċħuda malajr minn Leipzig, iżda t-team ta’ Ronald Koeman se jerġa’ jipprova jagħmel offerta għall-prodott ta’ La Masia f’Jannar.
Leipzig ma kinux lesti li jaċċettaw xejn inqas minn £65 miljun minħabba li ma kinux ikunu jistgħu jiffirmaw sostitut, iżda Olmo jkun miftuħ għal ritorn ma’ Barcelona.
Il-playmaker huwa kkuntrattat ma’ Leipzig sas-sajf tal-2024 u għad irid jidher f’dan l-istaġun wara s-sajf mimli tiegħu ta’ football internazzjonali.
