Id-difensur Brażiljan Danilo ħalla lil Juventus wara li kien hemm qbil sabiex il-kuntratt tiegħu jiġi xolt. Il-plejer għandu 33 sena u kien ilu mal-Bianconeri ħames snin u nofs.
Dan l-aħħar hu ma tantx kien qed jilgħab fl-ewwel ħdax tal-kowċ Thiago Motta tant li l-aħħar logħba li lagħab kien kontra Venezia f’Diċembru li għadda.
Ma’ Juventus hu lagħab b’kollox 213-il logħba u skorja disa’ gowls. F’messaġġ fuq il-profil soċjali tiegħu, Danilo irringrazzja lill-partitarji tal-kuraġġ li dejjem tawh.