Chelsea qalgħu daqqa ta’ ħarta fl-insegwiment tagħhom ta’ Milan Skriniar, li huwa viċin li jiffirma ftehim ġdid ma’ Inter.
Il-Blues fallew fit-tentattivi tagħhom biex jakkwsitaw lil Jules Kounde mingħand Sevilla fl-iktar tieqa ta’ trasferimenti riċenti, li wassal għal suġġerimenti li Skriniar jista’ jiġi mfittex bħala alternattiva potenzjali s-sena d-dieħla.
Romelu Lukaku suppost irrakkomanda l-iffirmar ta’ Skriniar lill-Blues, bid-difensur ċentrali issa jkollu inqas minn sentejn fil-kuntratt tiegħu maċ-champions tas-Serie A.
Madankollu, il-player ta’ 26 sena qatt ma kellu l-ebda xewqa li jħalli lil Inter u qed jagħlaq kuntratt ġdid ta’ erba’ snin sas-sajf tal-2025.
Skriniar irrifjuta wkoll offerta ‘attraenti’ minn Tottenham Hotspur sabiex jibqa’ f’San Siro, fejn il-pagi tiegħu se jiżdiedu għal €4m flimkien mal-bonuses.
L-internazzjonali Slovakk – li deher tliet darbiet għan-nazzjon tiegħu fil-Euro 2020 – skorja disa’ goals f’172 dehra għal Inter minn meta ngħaqad magħhom mingħand Sampdoria fl-2017.
