Manchester United u Chelsea sofrew daqqa ta’ ħarta fit-tfittxija tagħhom għall-akkwist ta’ Marcelo Brozovic hekk kif Inter huma kunfidenti li jilħqu ftehim mal-midfielder dwar kuntratt ġdid.
Brozovic, li għandu jsir free agent fl-aħħar tal-istaġun, ġie wkoll promoss bħala mira għal clubs bħal Paris Saint-Germain u Tottenham Hotspur.
Il-player internazzjonali tal-Kroazja beda kull logħba għal Inter dan l-istaġun, iżda rapporti reċenti ssuġġerew li t-team mis-Serie A ma kienx lest li jissodisfa t-talba annwali tiegħu ta’ salarju ta’ €6m.
Il-Kap Eżekuttiv ta’ Inter, Giuseppe Marotta, żvela li huma ppjanati taħdidiet mal-player u l-aġent tiegħu l-ġimgħa d-dieħla, u n-Nerazzurri jidhru lesti li joffru kuntratt attraenti.
“Hemm sens ta’ responsabbiltà u rabta min-naħa tal-players,” ġie kkwotat jgħid Marotta.
“Kulħadd jistħoqqlu gratitudni finanzjarja għal dak li wrew. Il-ġimgħa d-dieħla se niltaqgħu biex niddiskutu lil Brozovic.
“Inter ma jridux jistennew ħafna u x-xahar ta’ Diċembru se jkun fundamentali biex jiġi kkonfermat il-futur ta’ Brozovic ma’ Inter.”
Sadanittant, ġie rrappurtat b’mod wiesa’ fl-Italja li Inter huma viċin li jħabbru kuntratt ġdid għal Lautaro Martinez, li b’hekk ikun qed itemm kull spekulazzjoni dwar futur potenzjali ma’ Arsenal u Tottenham.
