Floriana Ajax X Clean A u Education Bar San Gejtanu rebħu l-konfronti rispettivi tagħhom sabiex kollox se jiġi deċiż għall-aħħar ġurnata min se jirbaħ il-kampjonat 8-a-side tad-darts.
Floriana għandhom vantaġġ ta’ żewġ punti fuq ir-rivali Ħamruniżi wara li ftit sabu diffikulta’ sabiex għelbu lil Ħamrun Bayern B 8-0.
Education Bar San Gejtanu kisbu rebħa ta’ 6-2 barra minn darhom għand Sliema Inter Darts Club, b’Ħamrun Bayern A li għelbu lit-tim diġa’ relegat ta’ Top Gun Marsa 8-0.
Fgura Kenky komplew bis-serje pożittiva ta’ riżultati hekk kif kisbu rebħa tajba ta’ 6-2 kontra Manchester Conquest Pub.
Fit-tieni diviżjoni, Beland Żejtun kisbu rebħa oħra sabiex jinsabu ċerti li se jispiċċaw fit-tielet post. Huma għelbu lil Cox Bar 6-2.
Floriana Ajax B u Mqabba tal-Ġilju offrew logħba interessanti bl-iskor finali jkun dak ta’ 4-4.
Fit-tielet diviżjoni, Domus Żejtun u Birgu Boċċi Club se jħallu sal-aħħar sabiex wieħed minnhom jispiċċa champion biż-Żwieten jinsabu b’punt vantaġġ fuq il-Ġirbin.
Sadanittant, Domus Żejtun u Birgu Boċċi Club irreġistraw rebħiet identiċi ta’ 5-3 kontra Żebbuġ Rangers FC u Duke’s A rispettivament.
Duke’s B se jtemmu fil-ħames post tal-klassifika hekk kif rebħu 6-2 lil Mqabba FC.
KLASSIFIKA – L-EWWEL DIVIŻJONI
Floriana Ajax X Clean A 48, Education San Gejtanu Bar 46, Ħamrun Bayern A 44, Fgura Kenky 40 Manchester Conquest Pub 19, Sliema Inter DC 18, Ħamrun Bayern B 15, Top Gun Bar 3.
KLASSIFIKA – IT-TIENI DIVIŻJONI
Birżebbuġa Lions 46, PO’s Bar 41, Beland Bull’s Eye 26, Floriana Ajax X Clean B 18, Fgura Maypole 13, Cox Bar 11, Mqabba tal-Ġilju 11
KLASSIFIKA – IT-TIELET DIVIŻJONI
Domus Żejtun 43, Birgu Boċċi Club 42, Żebbuġ Rangers 31, Duke’s A 29, Duke’s B 20, Mqabba FC 4, Leah’s Bar 1.
