Luke Littler sofra telfa sorprendenti fis-semi-finali tal-World Youth Championship, hekk kif tilef 6-5 kontra l-Ingliż Cam Crabtree.
Littler, li għandu 19-il sena u huwa darbtejn champion tad-dinja, kien qed jieħu sehem b’mod sorprendenti f’dan it-tournament taż-żgħażagħ, fejn rebaħ seba’ logħbiet qabel l-eliminazzjoni. Huwa kien diġà rebaħ din il-kompetizzjoni fl-2023, meta kien għadu amateur.
Crabtree issa se jiltaqa’ mal-Ġermaniż Jan Schmidt fil-finali, fejn ir-rebbieħ se jieħu £15,000.
It-telfa kienet it-tielet waħda konsekuttiva ta’ Littler wara li tilef fil-World Series of Darts f’Amsterdam u fil-World Grand Prix.
Aktar kmieni din is-sena, Littler rebaħ diversi titli maġġuri, fosthom il-World Championship, World Masters, UK Open, Premier League u World Matchplay.
