David de Gea huwa lest li jaċċetta tnaqqis fil-paga tiegħu sabiex jiffaċilita t-tiġdid tal-kuntratt tiegħu ma’ Manchester United. Il-kuntratt tal-goalkeeper Spanjol jiskadi fis-sajf li ġej.
Wara 12-il sena f’Old Trafford, il-kuntratt tal-goalkeeper ta’ 31 sena mar-Red Devils jintemm f’Ġunju li ġej u għaldaqstant il-United se jkollhom jibdew jaħdmu fuq it-tiġdid tiegħu kemm jista’ jkun malajr.
Jidher li ż-żewġ partijiet resqin lejn ftehim hekk kif il-goalkeeper Spanjol aċċetta tnaqqis fil-paga li bħalissa hija dik ta’ €22 miljun fis-sena.
