Skont il-media Taljana, Alessandro Del Piero, irċieva ‘diversi sejħiet’ anke minn clubs tas-Serie A li semmew id-disponibbiltà tiegħu biex jikkontesta għall-presidenza tal-FIGC.
Il-leġġendarju Taljana, Del Piero, jista’ jikkontesta għall-presidenza tal-FIGC is-sena d-dieħla, qed jingħad li l-eks attakkant irċieva telefonati minn clubs tas-Serie A f’dawn l-aħħar jiem.
Il-president attwali tal-FIGC, Gabriele Gravina, se joħroġ għall-elezzjoni mill-ġdid fl-2025, iżda Del Piero għadu ma kkonfermax – jew ċaħad – jekk hux se jkun wieħed mill-kandidati.
Il-media Taljana irrapportat li Del Piero ‘ma qalx le’ u jista’ dalwaqt jitkellem dwar il-kwistjoni fuq it-televiżjoni Taljan.
L-eks attakkant ta’ Juventus huwa, fil-fatt, parti mit-team ta’ esperti ta’ Sky Sport Italia li qed jikkummentaw fuq il-partiti taċ-Champions League din il-ġimgħa.
Il-president ta’ Empoli, Fabrizio Corsi, tenna li l-clubs tas-Serie A jridu jaqblu dwar kandidat wieħed. Del Piero jista’ potenzjalment jgħaqqad l-ogħla naħat, kif ukoll gruppi u delegati oħra li se jivvutaw fi Frar tal-2025.
L-Assemblea tal-FIGC tikkonsisti minn clubs mis-Serie A, Serie B, Lega Pro, u Lega Nazionale Dilettanti, flimkien ma’ 52 atleta, 26 coach, u disa’ rappreżentanti tar-referees.
Hemm 276 delegat, u l-president il-ġdid jiġi elett jekk jirċievi 50 fil-mija flimkien ma’ vot wieħed.
Del Piero beda l-karriera tiegħu ma’ Padova u wara sieħeb lil Juventus li magħhom lagħab 513-il logħba u skorja 208 goals. Wara mar ma’ Sydney FC fl-Awstralja fejn skorja 24 goal fi 48 logħba u għalaq ma’ Delhi Dynamos fl-Indja li f’10 logħbiet skorja goal.
