L-eks player ta’ Tottenham u tat-team nazzjonali Ingliż, Dele Alli, mistenni jdaħħal madwar £7.6 miljun wara li ddeċieda jagħlaq il-kumpanija tiegħu li kienet tamministra d-drittijiet kummerċjali tal-immaġni tiegħu. Il-kumpanija, Dele Alli Promotions, għandha assi li jiswew £8.3 miljun, iżda trid tħallas madwar £685,362 f’taxxa korporattiva.
Alli bena parti kbira mill-fortuna tiegħu matul l-aqwa snin tiegħu ma’ Tottenham u mat-team nazzjonali Ingliż, bejn l-2016 u l-2019.
Il-popolarità tiegħu wasslet għal diversi ftehimiet kummerċjali, fosthom kuntratt ta’ £8 miljun ma’ Adidas, kollaborazzjoni ma’ boohooMAN u kampanja ta’ fwieħa ma’ Paco Rabanne.
Barra minn hekk, għandu investimenti fis-settur tal-proprjetà.
