Għas-sena d-dieħla qed ikun imbassar li jkollna t-tieni l-ikbar tkabbir ekonomiku u t-tieni l-inqas rata ta’ inflazzjoni fl-Unjoni Ewropea.
Ħabbar dan il-Prim Ministru Robert Abela waqt li rrefera għat-tbassir tal-Kummissjoni Ewropea li llum qiegħda jitkellem b’mod ċar kif Malta baqgħet u se tibqa’ għaddejja f’din il-mixja ta’ tkabbir ekonomiku, minkejja l-isfidi li jeżistu fid-dinja ta’ madwarna.
Il-Prim Ministru tenna l-impenn tiegħu li bħala gvern jibqa’ jaħdem biex ir-riżultati ekonomiċi pożittivi jinħassu minn kulħadd.
