Il-Kap tal-Partit Nazzjonalista Alex Borg għoġbu jagħmel diskors b’numru ta’ żbalji u li jinjora kompletament l-aktar kwistjoni relevanti għall-poplu Malti u ħafna pajjiżi madwar id-dinja: il-kwistjoni tal-enerġija.
Il-fatt li l-Kap Nazzjonalista evita għal kollox li jitkellem fuq l-enerġija u l-fuel huwa ċertifikat ieħor tal-kriżi ta’ kompetenza u kredibbiltà li għandu l-Partit Nazzjonalista. Il-Partit Nazzjonalista huwa skomdu jitkellem dwar is-sewwa magħruf, jiġifieri li l-politika tal-enerġija ta’ Gvern Laburista kienet u għadha l-aqwa garanzija għal tkabbir ekonomiku b’saħħtu, xogħol għal kulħadd u titjib fid-dħul tal-familji.