Hibernians ……..2
Mosta ……………0
Doppjetta personali tal-iskorer prolifiku internazzjonali Malti Jurgen Degabriele ikkastigat lil Mosta, hekk kif Hibernians għelbu lill-Blues, bl-iskor ta’ 2-0, bil-goals għlaihom jaslu wieħed f’kull taqsima.
Kienu Mosta li ħolqu l-ewwel periklu fil-11-il minuta meta xutt tad-debuttant Ferebory Dre ġie salvat b’diffikultá mill-goalkeeper veteran tal-Pawlisti, Justin Haber.
Hibernians wieġbu fit-22 minuta u fetħu l-iskor meta f’azzjoni veloċi, Gabriel Mensah għadda tajjeb lejn JURGEN DEGABRIELE li mill-viċin tefa’ l-ballun f’lasta vojta.
Mosta reġgħu ħolqu l-periklu fid-39 minuta permezz ta’ freekick insidjuż tal-ispeċjalista Clayton Failla li għadda ftit barra.
Madankollu, kienu l-Pawlisti li bdew jipproduċu l-isbaħ logħob u żewġ minuti biss wara, Jurgen Degabriele indirizza freekick li sab lil Ferdinando Apap li kellu d-daqqa ta’ ras tiegħu tiġi salvata tajjeb mill-goalkeeper ta’ Mosta, Ini Etim Akpan.
Il-ftuħ tat-tieni taqisma kien wieħed ferm kwiet u nieqes minn kull emozzjoni. Dan sat-73 minuta meta xutt minn tarf il-kaxxa ta’ Jurgen Degabriele għadda għoli.
Iżda l-istess JURGEN DEGABRIELE ma kellux ifalli sitt minuti wara meta huwa venven xutt minn tarf il-kaxxa, li ma ta l-ebda ċans lil Ini Etim Akpan, bil-ballun jintemm fir-rokna tas-saqaf tax-xibka.
Hibernians: 16-Justin Haber, 3-Ferdinando Apap, 4-Kurt Shaw, 6-Gonzalo Bravo Llerena, 7-Thaylor Aldama (13-Zachary Grech 76), 10-Jurgen Degabriele (8-Jake Grech 90), 12-Dunstan Vella, 17-Gabriel Mensah, 22-Gabriel Artiles, 23-Yunusa Owolabi Muritala (9-Jairo Morillas Rivero 66), 42-Ali Diakite Coach: Andrea Pisanu
Mosta: 12-Ini Etim Akpan, 4-Glamour Eziefula Chibeueze (10-Precious Linus Tenebe 46), 6-Roderick Briffa (16-Gianluca Sciberras 68), 13-Clayton Failla, 20-Boubakary Diarra, 24-Michael Okoh Chidera (9-Victor Ifeanyi Mbata 90), 30-Jacob Nii Martey Akrong, 43-Steve Kingue, 74-Jake Vassallo (11-Duane Bonnici 90), 98-Rodriguez Ekani, 99-Ferebory Dore Coach: Joseph Grech
Referee: Alex Johnson
Ass. Referees: Edward Spiteri, Thomas Debono
Raba’ Uffiċjal: Slobodan Petrovic
Skorers: J. Degabriele 22, 79 (H)
Ammoniti: G. Mensah, T. Aldama (H), R. Ekani, G. Sciberras (M)
Player tal-Loghba: Jurgen Degabriele (H)
