Douglas Luiz qiegħed dejjem aktar ‘il bogħod minn Juventus. Staġun diżappuntanti għall-midfielder Brażiljan li jista’ jirritorna fil-Premier League.
L-eks plejer ta’ Vasco da Gama qatt ma rnexxielu jibbrilla u fuq kollox isib il-kontinwità meħtieġa biex jistabbilixxi ruħu fis-Serie A. Tant hu hekk li għal ftit xhur, it-tluq fi tmiem l-istaġun hu meqjus bħala xi ħaġa ċerta.
L-iktar għażla probabbli għalhekk tibqa’ ritorn lejn l-Ingilterra, b’Nottingham Forest li qed josservaw s-sitwazzjoni fil-viċin.
