Minn Cristian Muscat
Hamrun S. .…2
Floriana ……..2
F’partita li ttrasformat ruħha fit-tieni taqsima Hamrun Spartans u Floriana temmew fi draw ġust ta’ 2-2. Kienet partita ferm bilanċjata u akkanita li entużjażmat lill-mijiet ta’ partitarji li attendew għaliha bi ħġarhom.
Hamrun kellhom lil Juan Carlos Corbalan minħabba injury filwaqt li Floriana kellhom jgħaddu mingħajr it-tliet players sospiżi, Kristian Keqi, Aleandro Garzia u Andrei Ciolacu.
Kienu Floriana li fetħu l-iskor proprju fl-ewwel azzjoni perikoluża li ħolqu fit-12-il minuta meta Eugeniu Rebenja xeħet cross fil-baxx li sab lil RYAN CAMENZULI li minn taħt il-lasti ma żbaljax.
Din kienet l-unika azzjoni denja fl-ewwel taqsima minħabba li l-logħob żvolġa f’nofs il-ground.
Fil-ftuħ tat-tieni taqsima Hamrun ħarġu ferm aggressivi fit-tentattiv li jiksbu d-draw u fil-50 minuta, cross-shot ta’ Joseph Mbong ġie salvat mill-goalkeeper Georgi Kitanov.
Floriana wieġbu żewġ minuti biss wara bi free-kick insidjuż ta’ Brandon Paiber li ġie salvat mill-goalkeeper, Henry Bonello, megħjun mill-wieqfa.
Iżda fid-59 minuta l-Ispartans ġabu l-iskor indaqs meta Luke Gambin xeħet cross preċiż fil-kaxxa li sab lis-sostitut JORGE AILTON SOARES li permezz ta’ daqqa ta’ ras preċiża tefa’ l-ballun fir-rokna tax-xibka.
Huma komplew fuq l-offensiva u fit-62 minuta Joseph Mbong venven xutt b’saħħtu li iżda sab lill-goalkeeper Furjaniż attent.
Madankollu, fil-65 minuta kienu Floriana li reġgħu marru fil-vantaġġ meta l-Armen RUMYAN HOVSEPYAN temm azzjoni personali mill-isbaħ wara li qabeż tliet players permezz ta’ xutt fil-baxx li ntemm fir-rokna tax-xibka.
Iżda l-Greens bilkemm kellhom ċans jifirħu għal dan il-goal hekk kif appena għaddew ftit sekondi l-Ispartans reġgħu kisbu d-draw meta minn through pass, FRANKLIN SASERE b’eleganza tefa’ l-ballun fix-xibka.
Fid-79 minuta, Hamrun tilfu ċans tad-deheb li jiskorjaw il-goal tar-rebħa meta xutt mid-distanza tas-sostitut Predrag Djordjevic ġie salvat minn Kitanov.
Fil-85 minuta il-Greens spiċċaw jilagħbu b’10 players meta tkeċċa d-difensur Oualid El Hasni għal żewġ karti sofor.
HAMRUN S.: 1-Henry Bonello, 4-Darko Gojkovic, 6-Matthew Guillaumier, 7-Joseph Mbong, 12-Arthur Oyama, 17-Franklin Sasere, 23-Luke Gambin (29-Predrag Djordjevic 78), 30-Karl Micallef, 44-Claude Dielna, 91-Emerson Marcelina (10-Jorge Ailton Soares 46), 92-Faissal El Bakhtaoui – Coach: Mark Buttigieg
FLORIANA: 33-Georgi Kitanov, 2-Adam Magri Overend, 4-Oualid El Hasni, 5-Zachary Cassar, 6-Rumyan Hovsepyan, 10-Jose Ulises Arias (20-Matias Nicolas Garcia 65), 22-Brandon Paiber (99-Manolito Micallef 65), 28-Emiliano Callegari, 29-Eugeniu Rebenja (3-Christian Rutjens 87), 30-Jan Busuttil (17-Owen Spiteri 56), 94-Ryan Camenzuli – Coach: Gianluca Atzori
REFEREE: Matthew Degabriele
ASS. REFEREES: Jurgen Spiteri, Vasil Vasilev
RABA’ UFF: Andrea Sciriha
SKORERS: R. Camenzuli 12, R. Hovsepyan 65 (F), J. Ailton Soares 59, F. Sasere 66 (H)
AMMONITI: E. Marcelina, K. Micallef, L. Gambin, C. Dielna (H), O. El Hasni (F)
TKEĊĊA: O. El Hasni 85 (F)
