Maltempata qalila laqtet il-kosta tat-Tramuntana tal-Ġermanja, liema maltempata wasslet biex l-awtoritajiet joħorġu twissija ta’ għargħar f’diversi żoni fosthom anke ġewwa Hamburg.
Is-suq tal-ħut famuż ta’ Hamburg spiċċa mgħarraq wara li l-livell tax-xmara Elbe għola b’4.2 metri iktar mil-livelli normali.
Apparti hekk, is-servizz tat-temp tal-Ġermanja wissa wkoll dwar riħ b’qawwa ta’ uragan ġewwa t-Tramuntana tal-pajjiż liema riħ jista’ jilħaq veloċità ta’ 100 kilometru fis-siegħa.
Fil-lejl ta’ bejn is-Sibt u l-Ħadd il-ħaddiema tas-salvataġġ ġewwa Hamburg kellhom jirrispondu għal 450 telefonata ta’ emerġenza. Ġewwa din il-belt għadd ta’ siġar tqaċċtu u mblukkaw numru ta’ toroq filwaqt li żewġt irġiel kellhom jiġu salvati.
