L-attakkant internazzjonali Belġjan, Dries Mertens, se jibqa’ ma’ Galatasaray għallinqas sal-istaġun li ġej. Fil-fatt l-ogħla awtoritajiet Torok se jkunu qed jiltaqgħu mar-rappreżentant tal-plejer sabiex iġeddulu l-kuntratt għal 12-il xahar ieħor.
Mertens ħalla impressjoni tajba fis-Super Liga Torka tant li skorja ħames gowls f’21 partita filwaqt li wettaq diversi assists lejn sħabu.
Galatasaray jinsabu fl-ewwel post tal-klassifika tal-kampjonat Tork meta għandhom 66 punt, tliet punti vantaġġ fuq l-eqreb rivali Fenerbache.
