L-attakkant ta’ Fiorentina, Dusan Vlahovic huwa ħerqan li jingħaqad ma’ Manchester City fl-2022.
Iż-żagħżugħ ta’ 21 sena kien marbut b’mod qawwi ma’ tbegħid mill-club Taljan tiegħu fis-sajf li għadda, iżda t-tieqa tat-trasferimenti għalqet bl-internazzjonali Serb jibqa’ fis-Serie A.
Vlahovic skorja 21 goal tas-Serie A fl-istaġun li għadda u beda wkoll l-istaġun 2021-22 b’mod impressjonanti, u sab ix-xibka f’sitt okkażjonijiet f’seba’ dehriet fil-kompetizzjonijiet kollha.
Fiorentina qed jippruvaw jiffirmaw lis-Serb għal kuntratt ġdid, bit-termini attwali tiegħu jiskadu f’Ġunju 2023, iżda Vlahovic irid jingħaqad ma’ Man City.
Is-Citizens huma mistennija li jimmiraw għal attakkant ġdid f’Jannar jew fis-sajf li ġej, wara li naqsu milli jiksbu ftehim għal Harry Kane ta’ Tottenham Hotspur matul it-tieqa tat-trasferimenti riċenti.
Tottenham ġew ukoll ikkreditati b’interess fi Vlahovic, li skoeja 35 goal f’91 dehra għall-club attwali tiegħu minn meta ngħaqad magħhom mingħand Partizan f’Lulju 2018.