Eden Hazard qal li jrid ‘juri lil kulħadd x’kapaċi jagħmel’, bl-internazzjonali Belġjan determinat li jħalli impatt għal Real Madrid fil-finali taċ-Champions League kontra Liverpool.
Il-player ta’ 31 sena tħabat fil-biċċa l-kbira biex juri l-aħjar forma tiegħu għal Los Blancos minn meta ngħaqad magħhom fi ftehim ta’ flus kbar mingħand Chelsea fis-sajf tal-2019.
Hazard irnexxielu jirreġistra biss sitt gowls u 10 assists f’66 dehra għall-ġganti mill-kapitali Spanjola, inklużi goal wieħed biss u żewġ assists matul l-istaġun 2021-22.
