Erbatax-il uffiċjal tal-logħba ġew ippreżentati bil-FIFA Badge tagħhom wara li ġew ikkonfermati fil-lista Internazzjonali tal-FIFA.
Il-preżentazzjoni saret is-Sibt 21 ta’ Jannar, waqt it-taħriġ introduttorju tal-VAR li sar fis-Sala taċ-Ċentinarju f’Ta’ Qali mill-president tal-Malta FA Bjorn Vassallo u David Elleray li huwa d-Direttur Tekniku tal-IFAB, u wkoll l-Uffiċjal tal-Panel tal-Iżvilupp tar-Referi tal-UEFA responsabbli mill-MALTA FA. fil-preżenza tas-Segretarju Ġenerali Dr Angelo Chetcuti, il-Viċi President Adrian Casha u d-Direttur tar-Referees Alan Mario Sant.
“Din hija ġurnata fejn niċċelebraw lil dawn ir-referees li jkunu ta’ kwalità ogħla, rwol li jġib miegħu responsabbiltà hekk kif ir-referees iżgħar u l-pubbliku inġenerali jħarsu lejn dawn il-persuni u jistennew aktar minnhom”, qal il-president tal-Malta FA, Bjorn Vassallo.
Huwa rringrazzja wkoll lill-uffiċjali tal-partita kollha għall-impenn tagħhom matul is-sena kif ukoll lil dawk fl-amministrazzjoni li jaħdmu wara l-kwinti biex jappoġġjawhom tul it-triq.
Qabel il-preżentazzjoni, id-Direttur tar-Referees tal-Malta FA Alan Mario Sant tkellem fil-qosor dwar il-kisbiet tad-dipartiment matul is-sena li għaddiet. Huwa enfasizza l-fatt li l-ħatriet internazzjonali matul is-sena li għaddiet żdiedu b’20%.
Il-lista tal-FIFA tinkludi żewġ uċuh ġodda. Dawn huma Duncan Spencer u James Muscat. Sadanittant, Alan Camilleri laħaq l-g20 Badge tal-Assistent Referee tal-FIFA hekk kif ilu fuq il-Lista Internazzjonali mill-2003.
Il-lista sħiħa tad-detenturi tal-Badge tal-FIFA ta’ Malta (f’ordni alfabetika) għall-2023 hija kif ġej:
Referees tal-FIFA
Ishmael Barbara
Matthew Degabriele
Philip Farrugia
Trustin Farrugia Cann
Assistent Referees tal-FIFA
Alan Camilleri
James Muscat (ĠDID)
Luqa Portelli
Mitchell Scerri
Duncan Spencer (ĠDID)
Jurgen Spiteri
Duncan Sultana
Roberto Vella
Futsal FIFA Referee
Stephen Vella
Beach Soccer Referee tal-FIFA
Stephania Bonnici
