Għal dawn l-aħħar għaxar snin, Jacques Neefjes, Olandiż li huwa espert fil-qasam tas-saħħa kien fuq missjoni biex iġib lura fis-suq tas-saħħa globali, mediċina kontra l-kanċer, li kienet ilha mhix disponibbli fl-Ewropa sa mill-2004.
Huwa kien għamel riċerka kbira fuq l-istess mediċina. Tant, li meta ġie mistoqsi dwar x’jaħseb fuq l-istess mediċina, huwa kien qal li għadu sa issa jiskanta kif mediċina li għenet tant nies ifiequ mill-kanċer tneħħiet mis-suq.
L-aħħar riċerka illi għamel sab illi din il-mediċina li tiġi referuta bħala ‘aclarubicin’, tista ttejjeb il-kundizzjoni tas-saħħa b’persuni bil-lukemia u li hija fost l-aqwa minn tipi oħra ta’ kimoterapija. Neefjes ikkalkula li kieku din kienet disponibbli fl-Ewropa għal dawn l-aħħar għoxrin sena. setgħet tgn madwar 10,000 ruħ.
Minkejja li l-matematika tidher sempliċi, it-triq tar-riċerka li qed iwettaq Neefjes hija iebsa mhux ħażin. Din ma qatgħetlux qalbu lil Jacques, hekk kif fit-tentattivi tiegħu biex jerġa’ jġib din il-mediċina, huwa ddaħħal ammonti żgħar miċ-Ċina. Huwa rnexxielu jsib ukoll kampjuni qodma fi friża ġewwa l-Fillandja.
