Euro 2024: Georgia jingħataw rigal ta’ €10 miljun

Wara r-rebħa storika ta’ Georgia fuq il-Portugall bl-iskor ta’ 2-0, l-eks Prim Ministru, Bidzina Ivanishvili, ħabbar li se jagħti rigal ta’ €10 miljun lit-team. Ivanishvili, li għandu imperu ta’ €6.3 biljuni, qal li flimkien mal-poplu Ġorġan, irid jiċċelebra din ir-rebħa li se tibqa’ mniżżla fl-istorja tal-football b’ittri tad-deheb. Huwa qal li jħossu kburi minħabba li l-players poġġew lil pajjiż fuq il-mappa Ewropea.