L-impatt finanzjarju tal-Covid-19 fuq il-clubs tal-football ikkawża żieda fil-każijiet ta’ tbagħbis ta’ partiti, tgħid l-Europol.
Il-Europol, l-aġenzija tal-infurzar tal-liġi tal-Unjoni Ewropea, u l-UEFA qed jaħdmu flimkien biex jindirizzaw it-tbagħbis tal-logħob tal-football.
Nhar it-Tlieta saret l-ewwel konferenza Europol-UEFA dwar it-tbgħabis tal-logħob.
“Il-kriminalità organizzata malajr fehmet li ħafna clubs tal-football kienu qed isofru finanzjarjament bħala konsegwenza tal-Covid-19,” qal Burkhard Muhl.
Muhl, li huwa l-kap taċ-ċentru Ewropew tal-kriminalità finanzjarja u ekonomika tal-Europol, żied jgħid:
“U fejn hemm inqas flus, players, coaches, uffiċjali u anke eżekuttivi tal-clubs huma dejjem aktar vulnerabbli li jiġu korrotti minn fixers.
“X’inhuma l-profitti enormi assoċjati ma’ “li tagħmel l-imprevedibbli prevedibbli”, qed naraw aktar u aktar każijiet ta’ match-fixing u riżultati suspettużi.”
Total ta’ 109 uffiċjal mill-infurzar tal-liġi, awtoritajiet ġudizzjarji u assoċjazzjonijiet nazzjonali tal-football minn 49 pajjiż attendew għall-konferenza fil-kwartieri ġe- nerali tal-Europol f’The Hague, fl-Olanda.
“Il-koperazzjoni bejn l-infurzar tal-liġi u l-organizzazzjonijiet sportivi hija vitali biex mhux biss tinkixef u tinvestiga korruzzjoni suspettata fil-football, iżda wkoll biex twaqqaf tali attivitajiet frawdolenti qabel ma jkunu jistgħu jibdew,” qal Muhl.
Sportradar, kumpanija li tiskopri xejriet ta’ mħatri mhux tas-soltu, f’Ottubru ħarġet rapport li qal li kienet sabet aktar minn 1,100 partita sportiva suspettuża mill-bidu tal-pandemija f’April 2020.
“Din l-ewwel konferenza internazzjonali konġunta bejn l-Europol u l-UEFA hija pass importanti ‘l quddiem fil-ġlieda kontra l-irranġar tal-logħob, u tibgħat sinjal qawwi li ż-żewġ organizzazzjonijiet qegħdin hawn biex jiġbru l-forzi tagħhom u jagħmlu l-almu tagħhom biex jimminimizzaw dan il-fenomenu”, qal Angelo Rigopoulos , id-direttur maniġerjali tal-UEFA tal-integrità u l-kwistjonijiet regolatorji.
