Is-sewwieq Daniż tal-Formula Wieħed, Kevin Magnussen (Haas), kiseb l-aħjar ħin biex rebaħ il-pole position għall-iSprint Race tal-Grand Prix tal-Brażil, li se jsir fiċ-ċirkwit ta’ Interlagos, f’Sao Paulo.
Huwa rreġistra ħin ta’ minuta u 11.674 sekondi.
Huwa se jibda qabel iċ-champion renjanti, Max Verstappen (Red Bull) li se jkun segwit mill-Britanniku, George Russell (Mercedes) … iżda l-kompatrijott u kollega tiegħu, Lewis Hamilton, se jibda mit-tmien post.
Mir-raba’ post se jibda l-Britanniku Lando Norris (McLaren), segwit mill-Ispanjol Carlos Sainz (Ferrari), il-Franċiż Esteban Ocon (Alpine) u l-Ispanjol Fernando Alonso (Alpine).
Is-sewwieq minn Monaco, Charles Leclerc (Ferrari) kien l-akbar diżappunt hekk kif se jibda mill-għaxar post.
