Is-sewwieq Messikan tal-Formula Wieħed, Sergio Perez (Red Bull), il-Ħadd se jibda mill-pole position fil-Grand Prix tal-Arabja Sawdija li se jsir fiċ-ċirkwit ta’ Jeddah meta rreġistra l-aħjar ħin fil-provi uffiċjali … dak ta’ minuta u 28.265 sekondi.
Mit-tieni pożizzjoni se jitlaq l-Ispanjol Fernando Alonso (Austin Martin) wara li Charles Leclerc (Ferrari) ingħata penalitá. Alonso se jkun segwit mill-Britanniku George Russell (Mercedes).
Iċ-champion renjanti, l-Olandiż Max Verstappen (Red Bull), se jibda mill-15-il post wara li sofra ħsara teknika.