Meta ntlagħab it-tieni programm tar-replays tat-tielet round tal-FA Cup, Nottingham Forest kellhom jitħabtu biex għelbu lit-team taċ-Championship, Blackpool bl-iskor ta’ 3-2, liema partita kellha tiġi deċiża fil-ħin barrani.
Il-Forest dehru resqin lejn rebħa komda meta fetħu vantaġġ ta’ żewġ goals minn Andrew Omobamidele (16) u Danilo Oliveira (46).
Iżda s-Seasiders għamlu rimonta u kisbu d-draw permezz ta’ Albie Morgan (61) u Kyle Joseph (78) li sforzaw il-ħin barrani.
Fit-tmien minuta, Blackpool kienu għoddhom skorjaw meta x-xutt ta’ Karamoko Dembele ġie salvat minn Orel Mangala minn fuq il-linja fatali wara li dar mal-goalkeeper Odysseas Vlachodimos.
Madankollu żewġ minuti wara, kien Chris Wood li qata’ l-passaġġ għar-raba’ round lit-team immexxi mill-manager Nuno Espirito Santo.
*F’partita bilanċjata, Everton għelbu lil Crystal Palace bl-iskor ta’ 1-0.
Din il-partita ntlagħbet jumejn wara li Everton ġew akkużati li reġgħu kisru r-regoli tal-Financial Fair Play u jistgħu jitnaqqsulhom aktar punti wara l-10 li diġá tnaqqsulhom.
L-uniku goal tal-partita wasal fit-42 minuta minn Andre Gomes li skorja minn ġmiel ta’ free-kick minn 25 metru bogħod.
*Il-partita bejn żewġ timijiet miċ-Championship, Norwich City marru għand Bristol City u għelbuhom bl-iskor ta’ 3-1, bil-goals jalsu minn Gabriel Sara (53), Adam Idah (59 pen) u Kenny McLean (87) wara li Luke McCormick (20) fetaħ l-iskor għar-Robins.
Il-poloz tar-raba’ round riveduti huma:
Watford v Southampton
Blackburn v Wrexham
Bournemouth v Swansea
WBA v Wolves
Bristol C. v Nottm F.
Leicester v Birmingham
Sheffield W. v Coventry C.
Chelsea v Aston Villa
Ipswich v Maidstone U.
Liverpool v Norwich
Tottenham v Man City
Leeds U. v Plymouth
Everton v Luton T.
Newport v Man. U.
Sheffield U. v Brighton
Fulham v Newcastle
(Jintlagħbu fi tmiem il-ġimgħa tas-Sibt, 27 ta’ Jannar).
