Id-direttur sportiv il-ġdid ta’ Juventus Cristiano Giuntoli hu viċin li jiffirma lid-difensur ta’ Valencia Facundo Gonzalez.
Dan tal-aħħar għandu 20 sena u qed jitqies bħala difensur ta’ kwalità, xi ħaġa li għandhom bżonn i Bianconeri għall-istaġun li ġej. Jidher li hemm biss ftit dettalji li għad iridu jiġu determinati mat-tim min-naħa t’isfel ta’ Spanja sabiex eventwalment dan it-trasferiment iseħħ.
Gonzalez hu plejer mill-Urugwaj li dan l-aħħar kien parti importanti mit-tim ta’ taħt l-20 sena.
