Raġel jinsab fil-periklu tal-mewt wara li fis-sigħat bikrin ta’ dalgħodu waqa’ minn fuq ċint u ġie f’sit ta’ kostruzzjoni. L-inċident seħħ għall-ħabta tal-12.10 a.m. fi Triq it-Trunċiera f’San Pawl il-Baħar.
Il-membri tal-Protezzjoni Ċivili maru fuq il-post sabiex itellgħu lill-vittma u b’tim mediku jagħti l-ewwel assistenza. Ir-raġel, li l-identità tiegħu għadha mhix magħrufa, ittieħed l-Isptar Mater Dei fejn aktar tard ġie ċċertifikat li jinsab fil-periklu tal-mewt.
L-investigazzjonijiet tal-Pulizija għadhom għaddejjin.
