F’filmat emozzjonanti, ħaddiema ta’ sptar Spanjol infexxew f’ċapċip ta’ ferħ wara li tarbija ta’ ebra’ xhur tneħħa minn fuq il-ventilator wara li kien spiċċa infettat bil-virus Covid-19.
It-tarbija tat-twelid, li isimha ma ġiex żvelat, nhar is-16 ta’ Marzu li għadda ddaħħal l-isptar reġjonali ta’ Malaga wara li kien trasferit mill-isptar ta’ Marbella.
Il-midja lokali qed tirrapporta li t-tifel, li kien jinħtieġ il-ventilator minħabba li kellu problemi biex jieħu n-nifs, issa nħareġ mit-Taqsima tal-Kura Intensiva, bil-ħaddiema tal-isptar jibdew iċapċpu hekk kif tneħħa minn fuq it-tagħmir mediku.
Jose Camacho, il-kap tal-isptar Spanjol, qal li t-tarbija kien irrisponda sew għat-trattament u m’għadux jinħtieġ l-użu tal-ventilator.
Camacho żied jgħid li “każi bħal t’ dan it-tifel, li m’għadhomx jinħtieġu ventilator, qed jagħtuna s-saħħa biex inkomplu niġġieldu lill-virus”.
Skont l-aħħar ċifri maħruġin mill-Università John Hopkins, Spanja rreġistrat 131,646 każ ta’ persuni li ġew infettati bil-Covid-19. Fl-istess waqt irreġistrat 12,641 każ ta’ mewt, bi 38,050 pazjent jirnexxilhom jirkupraw.
