Fiorentina ammettew li se jkollhom ibigħu lil Dusan Vlahovic, b’Arsenal jidher li qed iżidu l-interess tagħhom fl-attakkant.
Jingħad li l-Gunners huma ħerqana li jiffirmaw lill-internazzjonali Serb matul it-tieqa tat-trasferimenti ta’ Jannar, bil-club ifittex li jġib attakkant ġdid.
Vlahovic issa daħal fl-aħħar 18-il xahar tal-kuntratt tiegħu fi Stadio Artemio Franchi u nforma lill-club Taljan tiegħu li mhux se jkun qed jiffirma estensjoni.
Il-president ta’ Fiorentina Rocco Commisso lest ‘li jħalli lil Vlahovic jitlaq’, hekk kif il-futur tas-Serb ‘jidher dejjem aktar ‘il bogħod mit-team tiegħu tas-Serie A.
Ftehim għall-player ta’ 21 sena jista’ jiswa lil Arsenal sa £150 miljun, għalkemm il-club minn Londra huwa maħsub li huwa ħerqan li jħallas is-somma tat-trasferiment fuq erba’ snin.
Vlahovic kien f’forma eċċellenti għall-Viola matul l-istaġun 2021-22, fejn skorja 19-il darba u rreġistra tliet assists fi 23 dehra fil-kompetizzjonijiet kollha.
Manchester United, Manchester City, Tottenham Hotspur u Juventus qabel kienu wkoll akkreditati b’interess fis-servizzi tiegħu.