Bintna Lizzie għandha 6 snin. F’Jannar 2023, waqt li konna qed ngħixu fir-Renju Unit, ħajjitna nbidlet mil-lum għal għada. Sirna nafu li Lizzie għandha l-leukemia. Ftit wara, morna lura Malta sabiex inkunu nistgħu nkunu qrib il-familja tagħna u jkollna l-appoġġ tagħhom matul dan iż-żmien diffiċli.
Lizzie kienet kuraġġuża immens matul il-kura tagħha. Qattgħet ħafna jiem l-isptar, xi kultant għal ġimgħat sħaħ, iżda qatt ma tilfet in-natura ħelwa u twajba tagħha. Dejjem baqgħet ħabiba ma’ ta’ madwarha u verament messet il-qlub tal-infermiera u t-tobba li kienu qed jieħdu ħsiebha.
Bħala ġenituri, dan il-vjaġġ kien diffiċli ħafna. L-iktar parti diffiċli hija li tħossok bla saħħa, bħallikieku ma tistax tipproteġi lit-tifel/tifla tiegħek kif tixtieq. Li tkun ‘il bogħod mill-familja kien ukoll ta’ wġigħ, speċjalment iż-żmien li Lizzie kellha tqatta’ ‘l bogħod minn ħuha, li tant kienet timmissjah.
Matul dan kollu, Puttinu Cares dejjem kien hemm għalina. Huma tawna l-faraġ, l-appoġġ, u mumenti ta’ ferħ meta kellna bżonnhom l-aktar. Għenuna nibqgħu b’saħħitna u ġabu tbissim fuq wiċċ Lizzie anke fl-aktar jiem diffiċli.
Aħna dejjem se nkunu grati għall-imħabba u l-kura li taw lill-familja tagħna matul żmien li biddlilha ħajjitna.
Din il-Ġimgħa l-Kbira, Lizzie se tkun qed twieġeb it-telefonati matul il-Maratona ta’ Puttinu, bl-istess tbissima u pożittività li wriet matul il-vjaġġ tagħha.
Dan kien il-messaġġ li twassal fuq il-paġna ta’ Facebook ta’ Puttinu Cares.
