Mara ta’ 44 sena sena se jirnexxielha tikseb biċċa minn ħajjitha lura permezz ta’ driegħ bijoniku ġdid. Dan hekk kif lura għal Settembru tas-sena li għaddiet, hija kienet involuta f’inċident ikrah ġewwa Londra. Ġara li jum minnhom Sarah de Lagarde waqgħet minn fuq pjattaforma li kienet imxarrba kawża tax-xita. Kawża t’hekk id-driegħ u riġel tal-lemin tagħha tgħaffġu minn ferrovija u l-ġrieħi tagħha aggravaw meta ntlaqtet minn ferrovija oħra.
Dakinhar tal-inċident is-Sinjura de Lagarde damet għall-għajnuna madwar ħmistax -il minuta qabel ma xi ħadd semahau ċempel sabiextingħata l-għajnuna fuq il-pst. Eventwalment imbagħad, Sarah li hija wkoll ommta’żewġt itfal ittieħedet bl-ajru l-Isptar u hemmhekk ddaħħlet f’unità speċjalizzata sabiex tingħata l-għajnuna li kellha bżonn. Waqt li qed tingħata l-kura hija ġiet infurmata li tilfet. d-driegħ tagħha u r-riġel tagħha.
Minkejja dan, hija ġiet infurmata li se ssir l-ewwel persuna fid-dinja li se tkun qegħda tagħmel użu minn driegħ bl-intelliġenza artifiċjali, li se jkun jista’ jaqralha moħħha. Miegħu għandu installat software li fih wieħed jista’ jitgħallem il-moviment li jagħmel l-iktar ta’ spiss. Midja internazzjonali irrapurtat li permezz tad-driegħ bl-intelliġenza artifiċjali, moħħha se jkun jista’ iċaqlaq id-driegħ. Iċ-ċaqliq tad-driegħ se jkun possibli minħabba l-fatt li 20 fil-mija se jkun qiegħed jaħdem b’mod robotiku u 80 fil-mija se jkun jista’ jaħdem b’mod uman.
Is-Sinjura de Lagarde dehret fuq programm Brittaniku, Good Morning Britian, fejn qalet li ħassitha tant privileġġata u li hija grata li għadha ħajja minkejja dak kollu li għadiet minnhu, speċjalment l-inċident li seta’ kien wieħed traġiku. Hija qalet lit-telespettaturi; “ Minflok ninkwetaw fuq l-affarijiet żgħar, għandna niffukaw fuq l-affarijiet li huma verament importanti “.
