Floriana Ajax Premier CC huma r-rebbieħa tal-kampjonat tas-sajf organizzat mill-Malta Darts Association meta f’finali ferm missielta għelbu lil Fgura Darts Club wara l-extra game hekk kif l-iskor kien dak ta’ 3-3.
Kienet logħba ferm sabiħa bejn żewġ timijiet li kellhom fi ħdanhom numru ta’ plejers ta’ isem li għamlu l-konfront wieħed eċitanti.
Iċ-champions tax-xitwa Floriana dejjem kienu minn fuq iżda Fgura dejjem kienu kapaċi jġibu l-iskor indaqs sakemm il-logħba kellha tmur għall-extra game jew kif inhu magħrufa l-logħba tal-1001.
U kien hawn li s-sitt plejers Furjaniżi kienu aktar preċiżi fit-tefgħat tagħhom fejn din id-darba rnexxielhom jibnu distakk tajjeb apparti li rnexxielhom jagħlqu qabel l-avversarji Fgurin.
Fi tmiem il-konfront li dam għaddej għal iktar minn tliet sigħat u nofs, il-president tal-MDA Roderick Zammit ippreżenta t-tazza rebbieħa lill-plejer ta’ Floriana Ajax Premier CC Jonathan Aquilina.
Floriana Ajax Premier CC jirbħu l-MDA Summer League
